ບໍລິສັດ ຍົດຊະນະ ບໍລິການຈັດຫາງານ ຈຳກັດຜູ້ດຽວ

ແຮງງານກັບຄືນປະເທດໄດ້ແນວໃດ?

1 ເພື່ອໃຫ້ສາມາດກັບຄືນປະເທດໄດ້ ແຮງງານຕ້ອງເຂົ້າໄປສະຖານເອກອັກຄະລັດຖະທູດລາວ ປະຈຳປະເທດໄທ ຫຼື ສະຖານກົງສູນໃຫຍ່ຈັງຫວັດຂອນແກ່ນ ເພື່ອຂໍໜັງສືຢັ້ງຢືນເດີນທາງຊົ່ວຄາວກັບຄືນປະເທດ ໂດຍນຳເອົາເອກະສານສ່ວນຕົວໃດໜຶ່ງທີ່ສາມາດສະແດງໃຫ້ຮູ້ວ່າເປັນຄົນລາວເຊັ່ນ: ສຳມະໂນຄົວ, ບັດປະຈຳຕົວລາວ, ໜັງສືຜ່ານແດນ ຫຼື ໃບຂັບຂີ່.

2 ເມື່ອກັບຄືນຮອດປະເທດແລ້ວ ໃຫ້ແຮງງານໄປຂື້ນທະບຽນຢູ່ຫ້ອງການແຮງງານ ແລະ ສະຫວັດດີການສັງຄົມເມືອງ ຫຼື ນຳນາຍບ້ານທີ່ຕົນສັງກັດຢູ່. ສຳລັບແຮງງານທີ່ຕ້ອງການຢາກເຮັດວຽກພາຍໃນປະເທດ ໃຫ້ພົວພັນນຳຫ້ອງການແຮງງານ ແລະ ສະຫວັດດີການສັງຄົມເມືອງ, ສູນບໍລິການຈັດຫາງານ ຫຼື ບັນດາບໍລິສັດຈັດຫາງານ ເພື່ອເກັບກຳຕົວເລກ ແລະ ຈັດສັນໃຫ້ເຂົ້າເຮັດວຽກ ຕາມຕຳແໜ່ງງານວ່າງທີ່ມີຢູ່ພາຍໃນປະເທດ ຊຶ່ງການໄປຂື້ນທະບຽນນັ້ນແມ່ນບໍ່ໄດ້ເສຍຄ່າໃຊ້ຈ່າຍໃດໆ.

ສຳລັບແຮງງານທີ່ຕ້ອງການກັບຄືນໄປເຮັດວຽກຢູ່ປະເທດໄທຄວນເຮັດດັ່ງນີ້:

1 ຕ້ອງໄປປະກອບເອກະສານໃຫ້ຖືກຕ້ອງ ແລະ ຄົບຖ້ວນ ກ່ອນເດີນທາງໄປ.

2 ເອກະສານທີ່ແຮງງານຕ້ອງມີກ່ອນເດີນທາງຄື: ໜັງສືຜ່ານແດນ, ບັດອະນຸຍາດໃຫ້ໄປເຮັດວຽກຢູ່ຕ່າງປະເທດ ແລະ ວິຊາອອກແຮງງານ.

3 ເພື່ອໃຫ້ສາມາດໄປເຮັດວຽກຢູ່ປະເທດໄທໄດ້ຢ່າງຖືກຕ້ອງຕາມກົດໝາຍ ຕ້ອງໄດ້ຜ່ານຂະບວນການຈັດສົ່ງຂອງ ສູນບໍລິການຈັດຫາງານ ຫຼື ບັນດາບໍລິສັດຈັດຫາງານ ເທົ່ານັ້ນ.